Маълум бўлишича, воқеа шаҳарнинг Бобур шоҳ ва Э.Ашуров кўчалари кесишган чорраҳада содир бўлган. Аниқланишича, «Nexia-3»нинг 20 ёшли аёл ҳайдовчиси ўнгга қайрилиш ишорасини бериб қайрилаётган «MAN» юк машинаси билан етарлича оралиқ масофа сақламаган ва унинг тагига кириб кетган.
Йўл-транспорт ҳодисаси оқибатида воқеа иштирокчиларига тан жароҳати етмаган. Ҳозирда ҳолат юзасидан Андижон шаҳар йўл ҳаракати хавфсизлиги бўлими масъул ходимлари томонидан суриштирув ҳаракатлари олиб борилмоқда.