Автомобиль олди-сотди соҳасида кўплаб фирибгарлик жиноятларини содир этганликда айбланиб 2015 йилдан буён қидирувда бўлган ўзбекистонлик эркак Туркияда ушланди. Бу ҳақда Ўзбекистоннинг Истанбулдаги Бош консулхонаси хабар берди.
Маълум қилинишича, Туркия ва Ўзбекистон Ички ишлар вазирликлари ҳамкорлигида ўтказилган тезкор тадбир давомида Истанбул шаҳрида қўлга олинган 1969 йилда туғилган И.У. 2025 йил 11 январь куни Ўзбекистонга депортация қилинди.
Бош консулхона ушбу шахснинг хатти-ҳаракатларидан жабр кўрган фуқаролардан Ўзбекистон Ички ишлар вазирлиги ёхуд унинг қуйи тизимларига мурожаат қилишни сўради.
Шунингдек, сўнгги вақтларда фирибгарлик ҳолатлари юзасидан Бош консулхонага келаётган мурожаатлар сони ортганлигини инобатга олиб, фуқаролардан фирибгарларга алданиб қолишдан огоҳ бўлишга чақирди.
Асаднинг Суриядан қочишининг янги тафсилотлари пайдо бўлди: У бир неча кун Путинга қўнғироқ қилишга уринган
Исроилнинг собиқ мудофаа вазири Ғазодаги уруш жиноятларини тан олди ва аскарларни ҳибсга олиш хавфидан огоҳлантирди
“Салимбой” озодликка чиқди
