Австрия федерал статистика идораси маълумотига кўра, Австрияда йиллик инфляция 1975 йилдан буён энг юқори даража - 9,3 фоизни ташкил этди.
“2022 йил июль ойида инфляция даражаси 9,3 фоизга кўтарилди. Бу 1975 йил февралидан бери энг юқори кўрсаткич”, - деди муассаса бош директори Тобиас Томас.
Унинг таъкидлашича, биринчи навбатда ёнилғи, маиший энергия, озиқ-овқат маҳсулотлари ва умумий овқатланиш соҳасида нарх ошган.
“Нарх сакраши, айниқса, ҳафталик харидда сезилади. Озиқ-овқат ва хизматдан ташқари ёнилғини ҳам ўз ичига олган мини-сават нархи июль ойида 19,1 фоиз, яъни икки баробар ўсди”, деди Тобиас.
