Австралия Украинага Abrams танкларининг охирги партиясини етказиб берди

Австралия ҳарбий ёрдам пакети доирасида Украинага 12 та М1А1 Abrams жанговар танкларининг охирги партиясини етказиб беришни якунлади.

Бу ҳақда ABC хабар берди.

Танкларнинг охирги партияси октябрь ойида Австралия Мудофаа Кучларининг беш нафар ходими ҳамроҳлигида тижорат юк кемасида жўнатилгани хабар қилинди. Юк Европага 55 кундан кейин етиб келди.

Нашрнинг хабар беришича, етказиб бериш ускуналарнинг хавфсиз етказиб берилишини таъминлаш учун юқори даражадаги махфийлик шароитида амалга оширилди. Польшага етиб келганидан сўнг, танклар текширув ва техник хизмат кўрсатишдан ўтказилди, шундан сўнг улар Украина томонига топширилди.

Аввалроқ, июл ойида Украина дастлабки 37 та зирҳли транспорт воситасини қабул қилган эди.