Бугунги кунда тадбиркорлик субъектларининг ҳуқуқлари ва қонуний манфаатларини ҳимоя қилувчи вакил - Бизнес-омбудсман томонидан натижали ишлар олиб борилмоқда.
Ўтган йил давомида тадбиркорлардан 9 минг 127 та мурожаат келиб тушган бўлиб, мурожаатларнинг 51 фоизи бўйича уларнинг ҳуқуқлари тикланди, қолганлари бўйича ҳуқуқий тушунтириш берилган.
Бу ишларга мисол тариқасида бир ҳолатни келтириб ўтиш мумкин. Бизнес-омбудсманга Фарғона вилоятида фаолият юритувчи "Умид сервис" (номи ўзгартирилган) хусусий корхонаси ортиқча ҳисобланган қарздорлик ва пенядан норози бўлиб, мурожаат қилган.
Маълум бўлишича, корхона ҳисоб-варағида 12 миллион сўм қарздорлик ва 38 миллион сўм ортиқча тўлов кўрсатилган. Аммо Қувасой шаҳар солиқ инспекцияси корхонанинг аслида 50 миллион сўм солиқ қарзи ва 36 миллион сўм пеня борлигини таъкидлаган.
Бизнес-омбудсман девони аралашуви натижасида тадбиркорнинг ҳисоб-варағига акциз солиғи бўйича хатолик билан киритилган солиқ қарздорлиги ва унга ҳисобланган пеня солиқ органи томонидан бекор қилинди ва тадбиркорнинг мурожаати ижобий ҳал этилди.
Россияда ўлганлар сони рекордми?
Алишер Қодиров Қонунга қарши овоз берган ҳамкасбларига мурожаат қилди: “Истеъмолчининг 3 тадан 2 таси ёшлар. Ярми қизлар”
Менга қанча пенсия чиқар экан? ёки бўлажак пенсионерларга тавсиялар
