Башар ал-Ассад ва унинг оиласига сиёсий бошпана бериш қарорини Россия президенти Владимир Путин қабул қилди, деди Россия президенти матбуот котиби Дмитрий ПесковБир кун аввал ТАСС Кремлдаги манбага таяниб . Суриянинг собиқ президенти ва унинг оила аъзолари Москвага етиб келгани ҳақида хабар берган эди.
Шу билан бирга, Песков ҳозирда Асаднинг қаерда эканлиги ҳақида журналистларга айтадиган гапи йўқлигини ва у билан учрашув Путиннинг расмий дастурига киритилмаганини қўшимча қилди.
У, шунингдек, Кремль Ассадга Россиядан бошпана бериш тўғрисида расмий баёнот бериши «мутлақо кераксиз» эканини таъкидлади. «Биз буни қилишимиз шарт эмас», деди у.
Умуман Суриядаги вазият ҳақида гапирар экан, Песков у ерда содир бўлган воқеа «бутун дунёни ҳайратда қолдиргани» ва Кремль «бу ҳолатдан истисно эмаслигини» айтди. Путин матбуот котибининг сўзларига кўра, Сурия «беқарорлик билан боғлиқ жуда оғир даврни» кутмоқда, бироқ Кремль «Сурия ишлари бўйича» барча минтақа давлатлари билан мулоқотни давом эттиради.
