Россиянинг Арманистондаги элчиси Сергей Копыркин Арманистон Ташқи ишлар вазирлигига чақирилди ва унга Россия журналисти Владимир Соловьевнинг баёнотлари бўйича нота топширилди.
Нотада Соловьевнинг давлат телеканали эфиридаги баёнотлари Арманистон Республикасининг суверенитетига қарши бўлган, душманона ва икки мамлакат ўртасидаги дўстона алоқаларнинг асосий принципларини бузувчи деб баҳоланган. Бу ҳақда Арманистон ТИВ матбуот котиби Ани Бадалян маълум қилган.
Бундан аввал Арманистон парламентининг ўринбосари Рубен Рубинян Владимир Соловьевга нисбатан кескин фикр билдириб, уни "ит" деб атаган. У ижтимоий тармоқларда шундай ёзган: "Ит хуради, карвон ўтади. Бу ҳолатда ит — Россиялик бизнесмен Самвел Карапетяннинг яқин дўсти ва ватандоши Соловьев, карвон эса — биз севиб қолган мамлакатиимиз, у барқарор тинчлик ва ривожланишга қатъий интилаяпти".
Эслатиб ўтамиз, Владимир Соловьев яқинда Арманистон йўқотилиши Россия манфаатларига зид эканини айтган ва нафақат Украинада, балки Россия таъсири остидаги "бошқа ҳудудларда, хусусан Арманистонда" ҳам "махсус ҳарбий операциялар" ўтказиш кераклигини билдирган.
Ванганинг «башоратлари»: Учинчи жаҳон уруши 2026 йилда бошланади
АҚШда оммавий намойишлар бошланиб кетди
"Тез орада Ватанимга қайтишга ҳозирлик кўрмоқдаман"
