Аргентина терма жамоаси ЖЧ-2026 учун кенгайтирилган таркибини эълон қилди

Футбол бўйича амалдаги жаҳон чемпиони — Аргентина терма жамоаси ЖЧ-2026 мусобақасида иштирок этиши мумкин бўлган футболчиларнинг кенгайтирилган рўйхатини эълон қилди. Бош мураббий Лионель Скалони қайдномага жами 55 нафар футболчини киритди.

Рўйхатдан Лионель Месси, Эмилиано Мартинес ва Лаутаро Мартинес каби етакчилар билан бир қаторда, Франко Мастантуоно каби ёш иқтидорлар ҳам жой олган.

Кенгайтирилган таркиб билан танишинг:

• Дарвозабонлар: Эмилиано Мартинес ("Астон Вилла"), Херонимо Рульи ("Марсель"), Вальтер Бенитес (ПСВ), Хуан Муссо ("Атлетико"), Факундо Камбесес ("Расинг"), Сантьяго Бельтран ("Ривер Плейт").

• Ҳимоячилар: Науэль Молина ("Атлетико"), Гонсало Монтьель, Херман Песселья, Маркос Акунья (барчаси — "Ривер Плейт"), Лисандро Мартинес ("Манчестер Юнайтед"), Николас Отаменди ("Бенфика"), Кристиан Ромеро ("Тоттенхэм"), Николас Тальяфико ("Лион") ва бошқалар.

• Ярим ҳимоячилар: Энцо Фернандес ("Челси"), Родриго Де Пауль ("Интер Майами"), Алексис Мак Аллистер ("Ливерпуль"), Нико Пас ("Комо"), Алехандро Гарначо ("Челси"), Леандро Паредес ("Бока Хуниорс"), Тьяго Альмада ("Атлетико").

• Ҳужумчилар: Лионель Месси ("Интер Майами"), Хулиан Альварес ("Атлетико"), Лаутаро Мартинес ("Интер"), Франко Мастантуоно ("Реал"), Матиас Соуле ("Рома").

Эслатиб ўтамиз, Жаҳон чемпионати стартига қадар ушбу рўйхат қисқартирилади ва якуний таркиб белгилаб олинади.