Аргентина бугун ЖЧ иштирокчисига айланиши мумкин

Аргентина терма жамоаси 2026 йилги жаҳон чемпионати йўлланмасини қўлга киритишга яқин турибди.

Лионель Скалони жамоаси Бразилияга қарши ўйин бошланишидан олдин мундиал йўлланмасини расмийлаштириши мумкин. Агар Боливия ўз майдонида Уругвайни мағлуб эта олмаса, "Альбиселесте" жаҳон чемпионати иштирокчисига айланади. Ушбу ўйин Тошкент вақти билан 01:00 да старт олади.

Агар Боливия ғалаба қозонса, Аргентина шу кечанинг ўзидаёқ жаҳон чемпионатига чиқиши учун Бразилияга қарши баҳсда ҳеч бўлмаганда бир очко тўплаши керак бўлади.