Миллионлар ўйинининг ашаддий ишқибозлари ва футбол мутахассислари иштирокида ўтказилган сўровга кўра, Бразилиядаги “Arena MRV” стадиони ғолибликка эришди, дея хабар тарқатган “Stadium Database” портали.
Фанатлар орасида “Арена до Гало” номи билан танилган, Белу-Оризонти шаҳрида 2023 йил 15 апрелда фойдаланишга топширилган ушбу маскан 46 минг томошабинга мўлжалланган.
“Arena MRV” сўровда 25 515 балл тўплади. 2-ўрин Германиянинг “Карлсруэ” клуби стадионига, 3-ўрин 2019-2023 йиллар оралиғида 37 миллион долларга яқин маблағ эвазига бунёд этилган Польшанинг “Заглембе Сосновец” жамоаси ўйингоҳи “ArcelorMittal Park”ка насиб этди.
