Арағчи: "Минтақа мамлакатлари жамоавий тинчлик ва хавфсизликка интилишларига умид қиламиз"

Эрон минтақадаги барча давлатлар, жумладан, Қатар билан яхши қўшничилик муносабатларини сақлаб келмоқда.

Бу ҳақда Эрон ташқи ишлар вазири Аббос Арағчи Қатар бош вазири ва ташқи ишлар вазири Муҳаммад бин Абдулраҳмон Ал Соний билан телефон орқали суҳбат чоғида маълум қилган.

"Эрон ташқи ишлар вазири мамлакатнинг минтақавий давлатлар, жумладан, Қатар билан дўстона муносабатларни сақлаб қолиш ва ривожлантиришга содиқлигини таъкидлаб, ҳозирги вазият фақат АҚШ ва Исроилнинг Эронга ҳужумлари, шунингдек, АҚШнинг минтақавий давлатлардаги ҳарбий базалари ва активларидан Ислом Республикасига қарши ҳужумлар уюштириш учун суиистеъмол қилиши билан боғлиқлигини таъкидлади", дейилади Ташқи ишлар вазирлигининг Телеграм каналида эълон қилинган баёнотида.

Эрон дипломатик ваколатхонаси шунингдек, Қатарга бошқа давлатларнинг унинг ҳудудидан фойдаланишига йўл қўймаслик бўйича халқаро ҳуқуқий мажбуриятларини эслатди. Арағчи минтақавий давлатлар "жамоавий ва ички тинчлик ва хавфсизликка" интилишига умид билдирди.

Ислом Республикаси Ташқи ишлар вазирлиги, бошқа нарсалар қатори, Доҳанинг эътиборини АҚШ ва Исроилнинг мактаблар, университетлар, касалхоналар, саноат ва ядровий иншоотларга қилган ҳужумлари "миллий судлар ва халқаро органларда кўриб чиқилиши кераклигига" қаратди.