Эрон Қуролли Кучлари Қўшма Штатлардан ҳеч қандай ҳужум ёки таҳдидни жавобсиз қолдирмайди.
Бу ҳақда Эрон ташқи ишлар вазири Аббос Арағчи ўзининг ижтимоий тармоқ саҳифасида ёзди.
"Жанг майдонидаги мағлубиятларига қарамай, Қўшма Штатлар бизнинг қатъиятимизни синаб кўришга қарор қилди. Бизнинг кучли қуролли кучларимиз ҳеч қандай ҳужум ёки таҳдидни жавобсиз қолдирмайди. Агар хавфсиз бўлишни истасангиз, минтақамизни тарк этинг."
"Форс кўрфази тарихи ташқаридан аралашганларнинг ачинарли тақдири ҳақида кўплаб бобларни ўз ичига олади", деб таъкидлади Арағчи.
Шу билан бирга, Эрон оммавий ахборот воситалари мамлакат қуролли кучлари яқин дақиқаларда АҚШ зарбаларига жавоб беришини хабар қилишди. Тасним ахборот агентлигининг хабар беришича, Эрон ҳарбийлари вертолёт уриб туширилгандан кейин содир бўлган Америка ҳужумига қатъий жавоб қайтаради.
Эслатиб ўтамиз, Қўшма Штатлар Эроннинг бир нечта ҳудудларида ҳаво ҳужумларини амалга оширди. Мамлакат жанубидаги Бандар Аббос, Сириг ва Кешм ороли ҳудудида кетма-кет портлашлар эшитилди. Эрон Америка Апаче вертолётини уриб туширгандан сўнг, Вашингтон маъмурияти жавоб операциясини бошлади.
Ўз навбатида, АҚШ Марказий қўмондонлиги АҚШ ҳарбийлари Ҳормуз бўғози устида Apache вертолёти уриб туширилгандан сўнг Эронга зарба беришни бошлаганини маълум қилди.
Миллион россиялик мамлакатни тарк этди
47°C иссиқликда тонг ҳам, тун ҳам йўқ: Ҳиндистоннинг энг иссиқ ҳудудида бир кун
Ўзбекистон – Нидерландия ўртоқлик ўйини Нью-Йоркда бўлиб ўтади
