UFC раҳбарининг фикрича, ташкилотнинг енгил вазндаги собиқ чемпиони Ҳабиб Нурмагомедовнинг фаолиятини якунлашига сабаблардан бири унинг Яқин Шарқ бўйлаб уюштирган сафарларида ишлаб топган пуллари бўлган.
"Бизда мусулмон жаҳон чемпиони пайдо бўлди, аммо муаммо шундаки, у ислом мамлакатлари бўйлаб сафарларга чиқди. Саудия Арабистони, Абу-Даби, Қатарга борди ва у ерда уни пулга кўмиб ташлашди. У шунчалик кўп пул топдики, октагонга чиқиб жанг қилишига ҳожат қолмади. Кейин отаси вафот этди ва бу ҳам унинг бу иш билан шуғулланишни хоҳламаслигига муҳим сабаб бўлди", - деди Уайт Prince Street Pizza пиццерия тармоғи каналида чоп этилган интервьюсида.
Эслатиб ўтамиз, Ҳабиб Нурмагомедов сўнгги жангини 2020 йилнинг октябрь ойида ўтказган. Ўшанда у эндигина 32 ёшга тўлган ва кўплаб мутахассисларнинг фикрига кўра, спорт формасининг энг юқори чўққисида эди. UFC раҳбарияти бир неча ой давомида уни яна бир бор жанг қилишга кўндиришга уриниб кўрди. Аммо 2021 йилнинг мартида Дана Уайт Нурмагомедов расман фаолиятини якунлагани ва унга тегишли бўлган енгил вазн тоифасидаги камар бўш қолганини эълон қилди.
Олимлар Ерга яқинлашаётган бегона жисмдан келган биринчи сигнални аниқлашди
U-17 ЖЧ. Ўзбекистон - Хорватия ўйинининг бошланиш вақти аниқ бўлди
Кушербаев қарордан норози: "Мана бу ҳақиқий номардлик"
