АҚШнинг НАТО давлатлари орқали Украинага қурол етказиб бериши давом этади

Украинага Америка қуролларини етказиб бериш давом этади ва улар учун тўловни НАТО бўйича европалик ҳамкорлар тўлайди.

Бу ҳақда НАТО бош котиби Марк Рютте Fox News телеканалига берган интервьюсида маълум қилган.

У АҚШ президенти Дональд Трамп билан келишилган янги схема ҳақида гапирди.

"Яхши хабар шундаки, президент Трамп мен орқали НАТО бўйича европалик ҳамкорлар билан НАТО бўйича Европадаги ҳамкорлар Америка қурол-яроғи етказиб бериш учун пул тўлашига келишиб олди. Бу америкалик ўрта синф учун ҳам, Украина учун ҳам яхши янгилик, чунки бу АҚШдан Украинага ҳалокатли қуроллар оқими давом этишини англатади", — деди Рютте.

Унинг таъкидлашича, Украинанинг НАТОга аъзо бўлиши учун қайтариб бўлмайдиган йўл бор, бироқ айни дамда унинг альянсга аъзолиги муҳокама қилинмаяпти.