"Пекин ўзини “Россия орқали Ғарб билан билвосита уруш олиб боряпмиз” деб ҳисоблайди. Хитой ҳукуматининг айрим баёнотларида шуни кўрмоқдамизки, улар АҚШ ва унинг иттифоқчиларини Украина уруши орқали чалғитмоқчи, шунда биз бошқа стратегик таҳдидларга эътибор қарата олмаймиз. Аммо бу рўй бермайди. Менимча, Хитой ҳисоб-китобда адашди ва уни Украинадаги жанг майдонларида кечаётган қон тўкилишини субсидиялаганлик учун жавобгарликка тортиш керак", — деди Қўшма Штатларнинг NATO'даги элчиси Мэттью Уитакер Fox Business дастури эфирида.
Уитакер шунингдек, агар 50 кун ичида ўт очишни тўхтатиш бўйича келишувга эришилмаса, Доналд Трамп ваъда қилган иккиламчи санкциялар “жиддий” бўлишини ва Россия нефтини сотиб олаётган давлатларга, бу Хитой, Ҳиндистон ёки Бразилия бўлишидан қатъи назар, зарба беришини қўшимча қилди.
Bloomberg'нинг қайд этишича, 2022 йилда Украинага босқин бошланганидан кейин Россия нефтининг Хитойга импорти ошган. Вашингтон ва Киевнинг бошқа иттифоқчилари эса бу харидларни Россияни “ими-жимида қўллаш шакли” деб билмоқда. Бу эса Россия иқтисодиётини мустаҳкамлаб, санкциялар таъсирини камайтирмоқда.
Исроил Россияни Эронга ҳаво ҳужумидан мудофаа тизимларини етказиб беришдан тийилишга чақирди
Маданият вазири коррупцияда айбланиб судга тортилади
Юраги уриб турган бемор ўлганга чиқарилди ва унинг ички аъзоларидан фойдаланишди
