Қўшма Штатларнинг Миссури штати полицияси хусусий самолётда бўлган 12 киши ҳалок бўлганини хабар қилди. Йўловчилар 11 нафар парашютчидан иборат бўлган.
Самолёт парвоз қилгандан сўнг носозлик юзага келган.
Миссури йўл полицияси маълумотларига кўра, Pacific Aerospace P750 енгил моторли самолёти парвоздан кўп ўтмай Канзас-Ситидан жанубда жойлашган Батлер аэропорти яқинида қулаб тушган. Самолёт парашют спорти ва аэро-акробатика ташкил қилувчи компания томонидан ижарага олингани айтилмоқда.
АҚШ Федерал авиация хизматининг аниқлик киритишича, бундай турдаги парвозлар учун авиадиспетчерлар билан алоқа ўрнатиш талаб этилмайди. Шунингдек, ҳалокатга нима сабаб бўлгани ҳозирча номаълум. Қутқарув хизматлари самолётдан сакраб қолишга улгурган парашютчиларни топиш умидида ҳалокат жойи атрофини кўздан кечирди, бироқ омон қолганларни топа олмади, дейилади баёнотда.
Ўзбекистон — Колумбия ўйини учун чипталар сотуви рекорд даражага чиқди
АҚШда ҳам тўй қилаётганлар ақлдан озмоқда
Сўнгги 140 йилдаги энг кучли Эл-Нино ҳодисаси яқинлашмоқда. Бу бутун дунёдаги об-ҳавога таъсир қилиши мумкин
