АҚШнинг Gulf компанияси икки йил ичида Ўзбекистонда 100 та АЁҚШ очади

Компания вице-президенти Крейг Крамерга кўра, компания Ўзбекистонда Ғарб стандартларига жавоб берадиган камида 100 та ёнилғи қуйиш шохобчасини ишга тушириш учун камида 150 млн доллар инвестиция киритилади. Шунингдек, магистрал йўллар бўйлаб сайёҳлар ва транзит ташувчилар учун транспорт марказларини ташкил этиш режалаштирилмоқда.

Компания Марказий Осиёдаги операцион базасини Тошкентда жойлаштиришни режалаштирган.

Шунингдек, компания авиация тармоғини хавфсиз ва барқарор ёнилғи билан таъминлаш учун тахминан 50 млн доллар сармоя йўналтиради.