Агентлик манбаларининг хабар беришича, Трамп Исроил раҳбариятига Теҳрон билан яқин кунларда келишув имзолашни ва урушни якунлашни режалаштираётганини маълум қилган. Телефон мулоқоти чоғида Исроил ушбу қарорга фаол қаршилик кўрсатмаган ва жараёнга халақит бера олмаслигини амалда тан олган.
Axios’нинг қайд этишича, Исроил бошиданлқ бу низо Эронда ҳокимият алмашишига олиб келади, деб умид қилган эди. Эндиликда эса эҳтимолий тинчлик келишуви сиёсатчиларнинг бир қисми ўртасида норозилик уйғотяпти, улар ҳукуматни мамлакат Вашингтон шартларини қабул қилишга мажбур бўлаётганликда айбламоқда.
Агентлик маълумотларига кўра, аввалроқ Исроил Эроннинг энергетика ва инфратузилма тизимига кенг кўламли зарбалар беришни режалаштирган, бироқ Вашингтон сўнгги пайтда бу сценарийни тўхтатиб қолган. Шундан сўнг Исроил расмийлари музокаралар жараёнидан деярли четда қолишган ва музокаралар бориши ҳақидаги маълумотларни Қўшма Штатлардаги ўз алоқалари орқали қидиришга мажбур бўлишган.
Исроилда келишув имзоланганидан сўнг Эрон нефт экспортини ошириши, иқтисодиётини барқарорлаштириши ва жиддий ён босишларсиз ядровий дастур бўйича музокараларни чўзиши мумкинлигидан хавотирланишмоқда.
Бундан ташқари, Исроилнинг Ливандаги "Ҳизбуллоҳ"га қарши ҳаракатлари чекланиши эҳтимоли ҳам хавотир уйғотяпти. Вашингтонда эса Исроил якуний шартлар билан танишиб чиққач, ушбу келишувни қўллаб-қувватлашига ишонч билдирилмоқда, дейилади хабарда.
Тимми исмли кит биоёқилғига айланади
АҚШда ҳам тўй қилаётганлар ақлдан озмоқда
Жалолиддин Машарипов терма жамоа қайдномасидан чиқарилмоқда
