АҚШдаги заводда юз берган портлаш натижасида вафот этганлар сони ортди

Пенсилваниядаги (АҚШ) US Steel заводида юз берган портлаш қурбонлари сони икки кишига етди.

Бу ҳақда NBC News телеканали манбасига таяниб хабар берди.

"Питссбург ҳудудидаги пўлат ишлаб чиқарувчи компанияда юз берган портлашда икки киши ҳалок бўлди”, — деди манба.

US Steel компанияси бош директори Дэвид Берритнинг айтишича, кенг кўламли қидирув-қутқарув ишлари натижасида, аввалроқ бедарак йўқолган деб топилган, ҳалок бўлган компания ходимининг жасади топилган.

Бундан ташқари, 10 киши жароҳатланган.

Эслатиб ўтамиз, заводдаги портлаш душанба куни содир бўлган. Бир киши ҳалок бўлгани хабар қилинган.