АҚШнинг Теннесси штатида йўловчи самолёти иштирокида ҳалокат рўй берди.
Бу ҳақда CNN штат йўл-патрул хизматига таяниб хабар берди.
Дастлабки маълумотларга кўра, бортда 16 дан 20 кишигача бўлган. Жабрланганларнинг бир қисми вертолётларда энг яқин тиббий муассасаларга эвакуация қилинган, бошқа жабрланганларга эса воқеа жойида ёрдам кўрсатилган.
CNN маълумотларига кўра, ҳалокатга учраган самолёт парашютда сакраш учун ишлатилган.
Воқеа тафсилотлари ва жабрланганларнинг аниқ сонига аниқлик киритилмоқда. Қутқарув хизматлари ҳалокат жойида ишлашда давом этмоқда.