АҚШда Трампга қарши кенг кўламли норозилик намойишларига тайёргарлик кўрилмоқда — Ахios

"Демократик партияга яқин бўлган 100 дан ортиқ ташкилотлар 14 июн куни, яъни Трампнинг туғилган кунида, бутун АҚШ бўйлаб президентга қарши оммавий норозилик намойишлари уюштиршни режалаштирмоқда", дея хабар бермоқда нашр манбаларига таяниб.

Хабар берилишича, бир кунлик ушбу тадбир “No Kings” (“Ҳеч қандай подшоҳлар йўқ”) деб аталади. Акциянинг мақсади авторитаризмни рад этиш ҳисобланади.

Ташкилотчилар мазкур акцияда бутун мамлакат бўйлаб миллионлаб одамлар қатнашишига умид қилмоқда.

Бундан ташқари, Колумбия, Малави, Италия, Португалия, Германия ва Буюк Британияда ҳам норозилик намойишлари ўтказилиши режалаштирилган.

Доналд Трамп эса ўз туғилган кунини нишонлаш учун Вашингтонда кўп миллион долларлик ҳарбий парад ўтказмоқчи. 14 июн куни нафақат Трампнинг туғилган куни, балки АҚШ Қуролли кучлари ташкил этилганининг 250 йиллиги ҳам нишонланади.

Президент Трамп шанба куни бўлиб ўтадиган парад чоғида юзага келиши мумкин бўлган ҳар қандай норозилик намойишлари “жуда катта куч билан” бостирилишини айтди.