АҚШда сув тошқини қурбонлари сони 27 нафарга етди, 20 нафар бола бедарак йўқолди

Техасда кучли ёмғир қурбонлари сони 27 кишига етди.

Бу ҳақда Керр округи шерифи маълум қилди.

Маълумотларга кўра, штатнинг марказий қисмидаги табиий офат ҳудудида 850 га яқин одам қутқарилган. Йўқолганларни қидириш бўйича операция давом этмоқда.

Ҳозирча ҳалок бўлганлар рўйхатида 18 нафар катталар ва тўққиз нафар бола бор. Етти кишининг шахси ҳали аниқланмаган, улардан бири бола. Қутқарувчилар сув тошқини зонасининг марказида жойлашган қизлар лагеридан 20 нафар вояга етмаганларни қидирмоқда.