АҚШда самолёт кучли турбулентликка учради — саккиз киши жабрланди

Колумбиянинг Avianca авиакомпаниясига тегишли самолёт АҚШга парвоз қилаётган вақтда кучли турбулентликка дуч келиши оқибатида саккиз киши жабрланди. Бу ҳақда CBS News телеканали хабар берди.

Маълумотларга кўра, самолёт Колумбиянинг Медельин шаҳридан АҚШнинг Нью-Йорк шаҳрига йўл олган.

Бироқ парвоз вақтида юзага келган кучли турбулентлик сабаб ҳаво кемаси Майами шаҳрида мажбурий қўнишни амалга оширган.

Самолёт қўнганидан сўнг саккиз нафар йўловчи шифохонага олиб кетилган.

Ҳозирча жабрланганлар қандай жароҳат олгани ва уларнинг аҳволи қай даражада оғир экани ҳақида маълумот берилмаган.