АҚШнинг Теннесси штатида бортида 20 киши бўлган самолёт ҳалокатга учради. Туллаҳома шаҳри расмийларига кўра, воқеа маҳаллий аеродромдан ҳавога кўтарилганидан кўп ўтмай содир бўлган. Самолётда бўлганларнинг барчаси тирик қолган, тўрт нафар жабрланувчи вертолётда шифохонага етказилган.
АҚШ Федерал Авиация бошқармаси (FАА) маълумотларига кўра, сўз юритилаётган самолёт икки двигателли De Havilland Canada DHC-6 Twin Otter бўлган. Маҳаллий ОАВ маълумотларига кўра, самолёт парашютда сакраш машғулотларида фойдаланилган.
Интернетда жойлаштирилган фотосуратларда самолётнинг думи шикастланган ва қаноти йиртилган ҳолда ўт ичида ётгани акс этган. Шаҳар матбуот котиби Лайл Расселнинг айтишича, ҳалокатда аеропорт ва бошқа бинолар зарар кўрмаган.
Ҳалокат сабаблари ҳозирча номаълум, АҚШ Федерал авиация маъмурияти ва Миллий транспорт хавфсизлиги кенгаши ўз текширувларини бошлади.
Даҳшат! Эрон биринчи марта замонавий вертикал ракеталардан фойдаланмоқда
Ута Абе Диёра Келдиёровага "вызов" ташлади
Ниҳоят! Араб давлатлари Эрон — Исроил уруши борасида "тилга кирди"
