Қозоғистонда аёлларга "кўпэрлилик"ни қонунийлаштириш таклиф қилинди

Қозоғистонда яқинда депутат Абзал Куспан томонидан кўп хотинлиликни қонунийлаштириш ҳақидаги таклиф жамоатчиликда катта резонанс уйғотган эди. Бугун эса сенатор Жанна Асанова бу ташаббусни кескин танқид қилди.

Энди продюсер Баян Алагузова ҳам ўз фикрини билдирди ва жавобан кўп эрлиликни қонунийлаштиришни таклиф қилди:

«Нега йўқ? Эркакларга бўлади-ю, аёлларга бўлмайдими? Биз дунёвий давлатда яшаймиз, қонун бўйича тенглик мавжуд. Ваколатли шахс шариат бўйича яшашни таклиф қилаётгани нимани англатади ўзи?» — деб ёзди Алагузова ўзининг Instagram саҳифасида.