АҚШда 400 минг долларлик омарлар ўғирлаб кетилди

Қўшма Штатларда АҚШ клубига қарашли Costco улгуржи гипермаркети учун мўлжалланган жонли омарларнинг 400 минг долларлик жўнатмаси ўғирлаб кетилди.

Бу ҳақда Fox News манбаларга таяниб хабар бермоқда.

Rexing Companies логистика компанияси бош директори Дилан Рексингнинг маълум қилишича, омар юки Массачусетс штатининг Таунтон шаҳридан Иллинойс ва Миннесота штатидаги Costco дўконларига кетаётган бўлса-да, лекин ҳеч қачон манзилига етиб бормаган. Рексинг, шунингдек, ўғирлик уюшган гуруҳ томонидан амалга оширилган, деб тахмин қилган.

Федерал қидирув бюроси аллақачон тергов бошлаган.