АҚШда 11 киши грин-карта олиш учун сохта никоҳларни ташкил қилишда айбланмоқда

Қўшма Штатлар 11 кишини Хитой фуқароларига Америка яшил карталар (грин-карталар)ини олиш имконини берувчи сохта никоҳларни ташкил қилишда айблади.

Бу ҳақда АҚШ Адлия вазирлиги баёнот берди.

АҚШ расмийларига кўра, судланувчилар 2016 ва 2026 йиллар оралиғида кенг кўламли фирибгарлик схемасида иштирок этган. 1000 дан ортиқ одам уларнинг хизматларидан фойдаланганликда гумон қилинмоқда ва сохта никоҳлар учун 100 000 долларгача пул тўлаган.

Судланувчилар ҳибсга олинди ва 12 август куни судга келтирилди. Нью-Йоркнинг Жанубий округи бўйича АҚШ прокуратураси уларни иммиграция фирибгарлигини содир этиш ва Қўшма Штатларда ноқонуний муҳожирларни жойлаштириш учун тил бириктиришда айбламоқда.

Агар иккала айблов бўйича ҳам судланган бўлса, улар 15 йилгача қамоқ жазосига ҳукм қилиниши мумкин.