Европа Иттифоқи ортидан Қўшма Штатлар ҳам визалар бериш тизимини ўзгартиришга қарор қилишди - энди визалар қоғоз бўлмайди. Бу ҳақда Business Standart нашри хабар бермоқдаёзади.
Аниқлик киритилишича, Давлат департаментининг Консуллик ишлари бўйича бюроси саёҳатчиларнинг паспортларига ёпиштириладиган қоғоз визаларни беришдан воз кечишга қарор қилган ва рақамли виза авторизацияси (DVA) тизимини ишга туширганини эълон қилган. Қайд этилишича, Американинг Дублиндаги элчихонасида ўтказилган эксперимент натижалари Қўшма Штатларни бундай қарорга келишга ундаган.
Давлат котибининг виза хизматлари бўйича ёрдамчиси ўринбосари Жули Стаффт таъкидлаганидек, одамларга паспортида жисмоний ҳужжатсиз виза мақомини кўрсатиш имконини берувчи илова ёки бошқа нарса керак бўлади.
Аниқлик киритилишича, кириш учун рухсатнома олиш тартиби аввалгидек қолади. Мутахассисларнинг фикрича, у дипломатик ваколатхоналарда суҳбатлашиш тартибини бекор қилмайди.
