АҚШ вице-президенти Тhe Wall Street Journal унинг сўзларини нотўғри талқин қилганини билдирди

Жей Ди Вэнснинг сўзларига кўра, нашр унинг АҚШ ҳарбийларини Украинага юбориш имконияти ҳақидаги баёнотини нотўғри талқин қилган.

"WSJ менинг сўзларимни нотўғри тушунганининг ўзи беманилик. Мен ҳар доим айтганман: Қўшма Штатлар ҳарбийлари фақатгина миллий манфаатларимиз ва хавфсизлигимиз талаб этган ҳолатлардагина ҳарбий можаролар ҳудудида бўлиши керак. Бу уруш эса фақат Россия ва Украина ўртасидаги можаро", — дея ёзди Вэнс Х ижтимоий тармоғида.

Аввалроқ WSJ Вэнснинг интервюсига таяниб, Вашингтон Россия билан Украина бўйича келишувга эришиш учун иқтисодий ва ҳарбий босим воситаларидан фойдаланиши мумкинлигини ёзган эди.