Дональд Трамп яқин 100 кун ичида Украинадаги урушни тугатишга ҳаракат қилади. Бу ҳақда АҚШ вице-президенти Жей Ди Вэнс Fox News телеканалига берган интервьюсида айтиб ўтди.
"Дастлабки 100 кун ичида сиз деярли барча хатоларни тузатасиз. Кейинги 100 кун ичида кўп нарса бунчалик тез ўзгармайди. Кўриниб турибдики, бизда ташқи сиёсатга доир кўплаб масалалар бор, улар устида ишладик ва менимча, мазкур ҳаракатлар кейинги 100 кун ичида у ёки бу тарзда ўз натижасини беради. Президент Трамп Россия ва Украина ўртасидаги урушни ҳар ҳафта ҳар икки томондан 5 минг киши ҳалок бўлмайдиган, барқарор тинчликка эришиш орқали ҳал қилинишига эришмоқчи", – дея таъкидлади Вэнс.
Унинг сўзларига кўра, бу босқичда иккала томон ҳам ўз хоҳишларини айтишган.
"Энди дипломатиянинг вазифаси бу икки томонни қандайдир тарзда яқинлаштиришга ҳаракат қилиш бўлади, чунки руслар ва украиналикларнинг хоҳишлари ўртасида жуда катта жарлик бор", — дея қўшимча қилди витсе-президент.
Даҳшат! Вафот этган 88 ёшли аёл тобутда ҳушига келди
Ҳиндистон чўкиб кетмоқда - ярим миллиондан ортиқ қурбонлар
Ғарб Киевнинг аэродромларга қилган ҳужумларидан сўнг нохуш ҳақиқатни тан олди
