Қўшма Штатлар президенти Доналд Трамп Венгрия бош вазири Виктор Орбан билан Оқ уйдаги учрашув чоғида Россия нефтини харид қилиш билан боғлиқ санкциялардан Будапештни озод этиш масаласини кўриб чиқишини маълум қилди.
"Биз бу масалани кўриб чиқяпмиз, чунки Венгрияга бошқа минтақалардан нефт ва газ олиш жуда қийин. Биласиз, уларда денгизга чиқиш имконияти йўқ"— деди Трамп журналистларга.
Ўз навбатида Орбан Россия энергия ресурслари Венгрия учун ҳаётий муҳим аҳамиятга эга эканини таъкидлади ва АҚШ президентига "Агар Россиядан нефт ва газ олинмаса, бу Венгрия халқи ва иқтисодиёти учун қандай оқибатларга олиб келишини" тушунтиришга тайёрлигини билдирди.
"Чунки бизни қувурлар орқали таъминлашади. Қувур — бу мафкуравий ёки сиёсий масала эмас. Бу мавжуд ҳақиқат, чунки бизда порт йўқ", — деди Орбан.
Маълумот учун, Венгрия Россия газини "Турк оқими" қувури орқали, нефтни эса "Дружба" қувури орқали олади.
Ким Чен Иннинг саломатлигига доир айрим маълумотлар ошкор қилинди
Эрлинг Ҳоланд «Реал Мадрид»га ўтмоқчи!
Нью-Йоркнинг янги мусулмон мэри — Мамдани, аслида, ким?
