АҚШ Венесуэлага нефть сотишга рухсат бериш шартларини маълум қилди

Агар Венесуэла ҳукумати АҚШ миллий манфаатларига хизмат қилса, Вашингтон Каракасга нефть сотишга рухсат беради.

Бу ҳақда АҚШ вице-президенти Джей Ди Вэнс Fox News телеканалига берган интервьюсида маълум қилди.

"Биз энергетика ресурсларини назорат қиламиз ва Венесуэладаги режимга "Американинг миллий манфаатларига хизмат қилсангиз, сизга нефть сотишга рухсат бор", деб айтмоқдамиз. "Агар сиз Американинг миллий манфаатларига хизмат қила олмасангиз, уни сотишингиз мумкин эмас", деди Венс.

Ўз навбатида, АҚШ президенти Дональд Трамп ижтимоий тармоқда Венесуэла нефтдан тушган даромаддан фақат Америка маҳсулотларини сотиб олиш учун фойдаланишини ёзди.

"Менга ҳозиргина Венесуэла янги нефть келишувимиздан тушган маблағга фақат Америкада ишлаб чиқарилган маҳсулотларни сотиб олиши ҳақида маълумот берилди”, — деди президент. Унинг сўзларига кўра, бу Америка қишлоқ хўжалиги маҳсулотлари, дори-дармонлар ва энергия ускуналарини ўз ичига олади. "Бошқача айтганда, Венесуэла ўзининг асосий савдо шериги сифатида Қўшма Штатларга ваъда бермоқда. Бу оқилона танлов ва Венесуэла ва АҚШ халқи учун жуда яхши нарса", - дея қўшимча қилди Трамп.