АҚШ ва Эрон ўртасида жума кунига режалаштирилган музокаралар бекор қилинди

АҚШ ва Эрон ўртасида жума кунига режалаштирилган музокаралар бекор қилинди. Бу ҳақда Axios хабар берди.

Нашрнинг манбаларига таяниб хабар беришича, Вашингтон Теҳроннинг учрашув формати ва ўтказиладиган жойни ўзгартириш ҳақидаги талабларини рад этди.

Ахios маълумотига кўра, Эрон учрашувни Туркиядан Уммон давлатига кўчириш ва уни икки томонлама форматда ўтказишни таклиф қилган, бироқ бу ташаббус қабул қилинмаган.

"Биз уларга: музокаралар ё шу тарзда, ё умуман бўлмайди, дедик. Улар эса: “Яхши, унда умуман бўлмайди”, деб жавоб беришди", — деди Қўшма Штатларнинг юқори мартабали расмийси.