АҚШ ва Арманистон ҳамкорлик тўғрисидаги битимларни имзолади

Бу ҳақда DW хабар бермоқда.

АҚШ Давлат котиби Марко Рубио Арманистонга қисқа муддатли ташриф билан келди, унинг самолёти Ҳиндистондан қайтаётган пайтда Ереван аэропортида тахминан бир соатга тўхтади. Ушбу вақт ичида Рубио ва Арманистон ташқи ишлар вазири Арарат Мирзоян икки мамлакат ўртасидаги кенг қамровли стратегик шериклик тўғрисидаги ҳужжатни имзоладилар.

Бундан ташқари, Рубио ва Мирзоян муҳим минераллар ва нодир ер металлари бўйича, шунингдек, "Халқаро тинчлик ва фаровонлик йўлида Трамп йўлаги" — Озарбойжоннинг Нахичевон автоном республикасидан Арманистоннинг Сюник вилояти орқали Озарбойжоннинг асосий ҳудудигача бўлган транзит йўлагини яратишда ҳамкорлик қилиш бўйича битимларни имзоладилар.

ARKA ахборот агентлиги Мирзояннинг сўзларидан иқтибос келтиради: "Имзоланган битимлар Арманистон учун фойдали бўлиб, мамлакатимиз учун мисли кўрилмаган имкониятлар очади", – дейди у.