AQSh va Armaniston hamkorlik to‘g‘risidagi bitimlarni imzoladi

Bu haqda DW xabar bermoqda.

AQSh Davlat kotibi Marko Rubio Armanistonga qisqa muddatli tashrif bilan keldi, uning samolyoti Hindistondan qaytayotgan paytda Yerevan aeroportida taxminan bir soatga to‘xtadi. Ushbu vaqt ichida Rubio va Armaniston tashqi ishlar vaziri Ararat Mirzoyan ikki mamlakat o‘rtasidagi keng qamrovli strategik sheriklik to‘g‘risidagi hujjatni imzoladilar.

Bundan tashqari, Rubio va Mirzoyan muhim minerallar va nodir yer metallari bo‘yicha, shuningdek, "Xalqaro tinchlik va farovonlik yo‘lida Tramp yo‘lagi" — Ozarboyjonning Naxichevon avtonom respublikasidan Armanistonning Syunik viloyati orqali Ozarboyjonning asosiy hududigacha bo‘lgan tranzit yo‘lagini yaratishda hamkorlik qilish bo‘yicha bitimlarni imzoladilar.

ARKA axborot agentligi Mirzoyanning so‘zlaridan iqtibos keltiradi: "Imzolangan bitimlar Armaniston uchun foydali bo‘lib, mamlakatimiz uchun misli ko‘rilmagan imkoniyatlar ochadi", – deydi u.