АҚШ президентининг махсус вакили Стив Уиткофф ва давлат котиби Марко Рубио Россия-Украина урушини тинч йўл билан тугатиш режаси устида ишлашда давом этмоқда.
Бу ҳақда Оқ уй матбуот котиби Керолин Левитт брифингда маълум қилди.
Унинг сўзларига кўра, Уиткофф ва Рубио сўнгги бир ой давомида Украина ва Россия ўртасида янги тинчлик келишуви устида иш олиб боришган ва ҳар икки томонни мустаҳкам тинчлик ўрнатиш йўлидаги позицияларини аниқлаштириш учун музокаралар олиб боришган.
"Қўшма Штатлар янги тинчлик режасини ишлаб чиқишда Россия ва Украина билан тенг равишда иштирок этди. Украинадаги уруш, баъзи шубҳаларга қарамай, ҳал қилинади", - дея таъкидлади Левитт.
Унинг таъкидлашича, армия котиби Дэн Дрисколл Украина етакчиси Владимир Зеленский билан кечаги учрашувдан сўнг оптимизм билдирди. Оқ уй матбуот котибининг сўзларига кўра, Вашингтон режа ҳар икки томон учун мақбул бўлиши керак, деб ҳисоблайди ва бу борадаги музокаралар давом этмоқда.
2026 йилда ойлик, стипендия, пенсия ва нафақалар оширилади
Гулистон шаҳридаги овқатланиш шохобчасида портлаш рўй берди (видео)
Эронда 61 млн тонналик олтин захираси топилди
