АҚШ Теҳронни Эрон ядро иншоотларига зарба бериш ҳақида икки соат олдин огоҳлантирган

Вашингтон ҳужумдан икки соат олдин Теҳронни Эрон ядро иншоотларига зарба бериш нияти ҳақида огоҳлантирган.

Бу ҳақда Х ижтимоий тармоғида АҚШ мудофаа вазирининг собиқ маслаҳатчиси, истеъфодаги полковник Дуглас Макгрегор ёзган.

"Аниқлик киритмоқчиман. АҚШ Эронни ядровий иншоотларга зарба беришдан икки соат олдин ҳужум ҳақида огоҳлантирган", - деди у.

АҚШ етакчиси Дональд Трамп аввалроқ Ислом Республикаси расмийлари АҚШ Эроннинг ядровий иншоотларига зарба беришини сўнгги дақиқагача билмаганини айтган эди. Трамп шунингдек, АҚШ Фордодаги ядровий иншоотга ҳужум қилишини ҳеч ким тасаввур қила олмаслигини, чунки у ўтиб бўлмас деб ҳисобланганини айтди.