АҚШ Сурия ва Исроил ўртасидаги хавфсизлик келишувига кўмаклашиш учун Дамашққа қўшинларини жойлаштирадими?

Сурия Ташқи ишлар вазирлиги Қўшма Штатлар Дамашқдаги авиабазага ўз қўшинларини жойлаштириши ҳақидаги хабарларни рад этди.

Бу ҳақда SANA давлат агентлиги вазирликдаги манбага таяниб маълум қилган.

"Сурия ташқи ишлар вазирлигидаги манба бу хабарлар ёлғон эканлигини тасдиқлади", — деб ёзади нашр.

Аввалроқ Вашингтон Сурия ва Исроил ўртасидаги хавфсизлик келишувига кўмаклашиш учун Сурия пойтахтидаги авиабазага қўшинларини жойлаштиришга тайёргарлик кўраётгани хабар қилинганди.