АҚШнинг НАТОдаги доимий вакили Мэтью Уитэкер Вашингтоннинг Россия-Украина уруши тугаганидан кейин ҳам Европага қурол сотишни давом эттириш режасини эълон қилиб, эркин бозорни таъминлаш учун Европа Иттифоқи билан музокаралар олиб бориш зарурлигини таъкидлади.
Бу ҳақда Уитэкер Fox Businessга берган интервьюсида айтиб ўтган.
"Европадаги мудофаа саноати базаси Украинани таъминлаш учун етарлича қурол ишлаб чиқара олмайди, шунинг учун ҳам АҚШда мен шахсан ишлаётган ташаббуслар бор", - деди у.
Уитэкер, бу масалаларнинг барчаси музокаралар кун тартибида эканлигини қўшимча қилди: "Биз тинчлик ўрнатилгач, қурол ва ўқ-дориларимизни Европа Иттифоқидан савдо тўсиқларисиз бу ерда сотишни давом эттиришимиз мумкинлигини таъминлашимиз керак".
Дипломатнинг сўзларига кўра, бу борада АҚШ ва Европа Иттифоқи позицияларини яраштиришнинг реал имконияти мавжуд.
Ўзбекистонликлар ва туркманистонликларнинг қаршилигига қарамай Роғун ГЕС қурилиши давом этади
Каспий денгизи иккига ажралиши мумкин
Жиззахда Lacetti ва юк машинаси иштирокидаги "авария"да 5 киши ҳалок бўлди
