АҚШнинг БМТдаги доимий вакили вазифасини бажарувчи Жон Келли Москвани музокаралардан бош тортса, қўшимча санкциялар қўлланилиши мумкинлигидан огоҳлантирди.
БМТ Хавфсизлик Кенгашининг Украинадаги вазиятга бағишланган йиғилишида Келли Вашингтон Киев ва Москва ўртасида тинчлик ўрнатишга интилаётганини таъкидлади. Унинг сўзларига кўра, Украина муросага тайёр бўлишига қарамай, Россия ўт очишни тўхтатишдан қочишда давом этмоқда.
"Агар Россия урушни давом эттиришга қарор қилса, Қўшма Штатлар музокаралардан воз кечишга мажбур бўлади. Бу можаронинг ҳарбий ечими йўқ. Ҳозир таклиф қилинаётган келишув Россия учун мумкин бўлган энг яхши натижадир. Президент Путин буни қабул қилиши керак. "Урушни давом эттириш ҳеч бир томоннинг манфаатларига мос келмайди", - деди америкалик дипломат.
Келли, шунингдек, Вашингтон Россия билан тинч йўл билан келишув ва иқтисодий ҳамкорлик қилишдан манфаатдор эканини, бироқ бу йўлдан воз кечиш Москвани янги санкциялар билан таҳдид қилишини таъкидлади.
"Ушбу урушни тугатиш учун масъулият ҳам Россия, ҳам Украина зиммасига тушади. Вақт можарони узайтирмоқчи бўлганлар томонида эмас. Биз иккала томонни тинчлик фойдасига қийин, аммо тарихий қарор қабул қилишга чақирамиз", - дея қўшимча қилди у.
Россия аэродромларига ҳужум қилган дронларни ташиган юк машиналари ҳайдовчиларининг ҳеч нимадан хабари бўлмаган
Россия Маскка бошпана берадими?
"New York Times": "Ўзбекистон бундай тарихий натижани қўлга киритган учинчи мамлакат бўлди"
