"Қўшма Штатлар Молия вазирлиги Россия нефтининг денгиз орқали етказиб берилишига рухсат берувчи лицензия муддатини 30 кунга узайтирди", — деб маълум қилди Молия вазирлиги раҳбари Скотт Бесcент.
Унинг таъкидлашича, ушбу қарор "энг заиф давлатларга ҳозирда денгизда қолиб кетган Россия нефтидан вақтинча фойдаланиш имкониятини яратиш учун" қабул қилинган.
"Ушбу узайтириш қўшимча мослашувчанликни таъминлайди ва биз зарур бўлганда аниқ лицензияларни тақдим этиш учун мазкур давлатлар билан биргаликда ишлаймиз. Ушбу умумий лицензия хом нефт бозорини барқарорлаштиришга ҳамда нефтни энергетика жиҳатидан энг заиф бўлган мамлакатларга етказиб беришни таъминлашга ёрдам беради", — дейилади унинг баёнотида.
Қўшма Штатларнинг Россия нефти экспортига нисбатан киритган енгилликлари 13 март куни Эрондаги уруш сабабли энергия ресурслари нархининг ошиши фонида жорий этилган эди. Дастлаб у 30 кун давомида, 11 апрелгача, амал қилган, сўнгра муддат 16 майгача узайтирилган эди.
Яна бир давлат Эронга махфий равишда ҳужум уюштирган
10 минг қадам юрганларга пул тўлайдиган платформа ишга тушди
Орол Пекинга тегишли эмас ва унга бўйсунмайди
