Американинг Урушни ўрганиш институти (ISW) таҳлилчилари фикрича, АҚШ президенти Дональд Трампнинг Россия дизель ёқилғисини жаҳон бозорига етказиб беришга рухсат бериши Кремлга Украинага қарши урушни молиялаштиришда давом этиш имконини беради. Экспертлар баҳосига кўра, дизель экспортидан тушадиган даромадлар Россиянинг ҳарбий харажатларини қоплашга хизмат қилади.
ISW таҳлилчилари, шунингдек, мазкур қарор Вашингтоннинг Москва билан музокаралардаги мавқеини заифлаштириши мумкинлигини таъкидламоқда. Уларнинг фикрича, АҚШ Россия дизель ёқилғиси экспортига рухсат бериш орқали бир томонлама ён беришга борган. Бунда Россия урушни тугатиш бўйича музокаралар доирасида ҳеч қандай муқобил қадам таклиф қилмагани қайд этилган.
9 октябрь куни Дональд Трамп Владимир Путин билан Россия дизель ёқилғиси етказиб беришга қўйилган чекловларни бекор қилишни назарда тутувчи келишувга эришганини маълум қилган. Шу куни АҚШ Молия вазирлиги Россия дизель ёқилғисини жаҳон бозорига етказиб беришга рухсат берувчи вақтинчалик лицензияни тақдим этган.
Трампнинг айтишича, Россия яқин вақт ичида жаҳон бозорига бир неча миллион тонна дизель ёқилғиси етказиб бериши мумкин.
Икки футболчи зўрлаш ишида қўлга олинди
Жиззахда эркак 10 ёшли болани зўрлаб, сўнг ўз жонига қасд қилди
Шахмат терма жамоаси аъзолари ҳибсга олинди
