АҚШ махсус хизматлари президент Дональд Трампнинг атрофидаги шахслардан бири ва хорижий разведкага алоқадор шахс ўртасидаги "ғайритабиий" телефон суҳбатини қайд этди. Шу билан бирга, миллий разведка раҳбари Тулси Габбард ушбу маълумотнинг тарқалишига тўсқинлик қилган.
Бу ҳақда "The Guardian" газетаси вазиятдан хабардор аноним информаторнинг адвокатига таяниб ёзмоқда.
"Ўтган баҳорда Миллий хавфсизлик агентлиги (АНБ) хорижий разведкага алоқадор шахс ва Дональд Трампга яқин бўлган инсон ўртасидаги ғайритабиий телефон суҳбати далилини аниқлади... ўтган ҳафта Вашингтонни ларзага келтирган ўта махфий коммюнике миллий разведка директори Тулси Габбарднинг эътиборига ҳавола қилинган эди", — деб хабар беради нашр.
Манбанинг сўзларига кўра, Габбард АНБ ходимларига маълумотни тарқатиш имконини бериш ўрнига, разведка маълумотларининг қоғоз нусхасини бевосита президент аппарати раҳбари Сьюзи Уайлсга топширган.
Габбард Уайлс билан учрашувдан сўнг АНБга разведка ҳисоботини эълон қилмаслик ҳақида кўрсатма берганини маълум қилган: бунинг ўрнига ўта махфий материаллар тўғридан-тўғри унинг идорасига ўтказилиши керак бўлган. Миллий разведка директорининг сўзларига кўра, ҳисобот ҳатто информатор маълумотларни Конгресснинг разведка бўйича қўмитасига беришни талаб қилган пайтда ҳам "қулф остида" қолган.
Габбард идораси вакиллари ушбу айбловларни инкор этиб, уларни сиёсий мотивларга эга ва асоссиз деб аташди.
“Уч дара” — дунёдаги энг катта қувватга эга тўғон
Россия АҚШ таклифини рад этди
Россия — чиқиш йўли: босиб олинган Абхазия норозилик билдирди
