АҚШ ҳукумати миллий хавфсизлик нуқтаи назаридан Америка компаниялари ва фуқароларига "Касперский лабораторияси" дастурий таъминотидан фойдаланишни тақиқлаши мумкин.
CNN манбаларга таяниб хабар беришича, қарор якуний босқичда ва шу ойдаёқ қабул қилиниши мумкин.
"АҚШ давлат идораларига "Касперский лабораторияси" дастурий таъминотидан фойдаланиш аллақачон тақиқланган, бироқ хусусий компанияларнинг ундан фойдаланишига йўл қўймаслик чоралари мисли кўрилмаган бўлар эди", - дейилади нашрда.
