Польша Бош вазири ўринбосари ва мудофаа вазири Владислав Косиниак-Камиш Пентагон котиби Пит Хегсет билан телефон орқали суҳбатлашди.
Бу ҳақда Польша Бош вазири ўринбосарининг матбуот хизмати маълум қилди.
Суҳбат давомида Вашингтон Варшавага АҚШнинг Польшадаги ҳарбий иштирокини давом эттиришга ишонтирди.
"АҚШ ҳарбий вазири АҚШнинг Полша мудофааси ва хавфсизлигига содиқлиги собит қолишини тасдиқлади. Бизнинг ҳарбий муносабатларимиз кучли ва бу бугун аниқ тасдиқланди. Суҳбатимиз давомида мен Полша намунали иттифоқчи эканлигини ва Қўшма Штатларга тўлиқ ишониши мумкинлигини бир неча бор эшитдим. Европада АҚШ ҳарбий кучлари ва техникасини қайта жойлаштириш авж олмоқда, аммо Полшадаги АҚШ қўшинларининг имкониятларини камайтириш бўйича ҳеч қандай қарор қабул қилинмаган", деди Косиниак-Камиш.
Унинг сўзларига кўра, Пентагон ҳозирда ўз қўшинларини бутун Европа бўйлаб жойлаштириш бўйича янги режа тайёрламоқда. "Биз Польша хавфсизлигини мустаҳкамлаш ва Полшада Америка қўшинларининг мавжудлиги учун оптимал моделни ишлаб чиқиш бўйича ҳамкорликни давом эттиришга келишиб олдик", деб қўшимча қилди вазир.
Шуни таъкидлаш керакки, ҳозирда Полшада тахминан 10 минг америкалик аскар жойлашган.
10 минг қадам юрганларга пул тўлайдиган платформа ишга тушди
Электр ва газ нархлари бўйича ҳукумат қарори қабул қилинди
Каспий денгизи хавотирли тезликда қуриб бормоқда
