АҚШ Олий суди Трамп маъмуриятининг Таълим вазирлигини тугатиш борасидаги ҳаракатларига қўйилган тақиқни бекор қилди — ABC News

Телеканалинг хабар беришича, ушбу қарор Оқ уйга Таълим вазирлигидаги оммавий ишдан бўшатишларни давом эттириш имконини беради.

Аввалроқ Массачусетс штати федерал судяси Доналд Трамп маъмуриятига вазирликни ёпиш бўйича кейинги қадамларни қўйишни тақиқлаганди. Бироқ энди Олий суд бу тақиқни рад этди.

АҚШ таълим вазири Линда Макмаҳон мазкур қарорни шарҳлар экан, идора ходимлари сони қисқартирилишини ва таълим устидан назоратни штатлар ихтиёрига қайтариш йўлидаги ҳаракатлар давом эттирилишини билдирди.