АҚШ Миллий разведкаси: Хитой – энг йирик стратегик рақиб ҳисобланади

АҚШ Миллий разведка идораси мамлакат учун таҳдидлар ҳақидаги ҳисоботида Хитойни “Қўшма Штатларнинг энг қудратли стратегик рақиби” деб атади. Ҳужжатда қайд этилишича, Пекин иқтисодий, технологик ва ҳарбий соҳаларда жаҳон етакчилигини қўлга киритишга интилаётгани Вашингтон учун жиддий хавф туғдиради.

Шунингдек, ҳисоботда Хитой Тайван бўйича эҳтимолий можарога тайёргарлик кўраётгани, бунинг учун ҳарбий салоҳиятини ошираётгани таъкидланган.

АҚШ разведкасининг қайд этишича, Пекин Вашингтон Хитойни ҳар томонлама жиловлаш ва Хитой Коммунистик партиясининг мавқеини заифлаштиришга ҳаракат қилмоқда, деган фикрни илгари сурмоқда.