АҚШ Ливан ва Исроил ўртасида давом этаётган музокараларда ижобий натижаларга эришилига умид қилмоқда

Исроил ва Ливан ўртасидаги музокаралар Вашингтондаги АҚШ Давлат департаментида иккинчи кун давом этмоқда.

Бу ҳақда Давлат котиби Марко Рубио АҚШ Вакиллар палатасининг Ташқи ишлар қўмитаси аъзолари олдида берган кўрсатмасида маълум қилди.

У икки мамлакат ўртасидаги кўп йиллардан бери биринчи музокаралар самарали якунланишига умид билдирди.

"Ҳозирда, кетма-кет иккинчи кун ва кўп йиллардан бери биринчи марта Ливаннинг қонуний ҳукумати ва Исроил ҳукумати вакиллари АҚШ Давлат департаментида. Умид қиламизки, бугунги музокаралар Ливанда хавфсизликни таъминлаш бўйича қўшма баёнот ва ҳаракатлар режасига олиб келади", деди Рубио.

Унинг таъкидлашича, кеча бўлиб ўтган ишчи даражадаги музокараларнинг биринчи куни деярли етти соат давом этган. Маслаҳатлашувларнинг иккинчи босқичи куннинг кўп қисмини эгаллаши кутилмоқда.