АҚШ кучлари Эронга кетаётган кемани тутиб, унинг ҳарбий юкини қўлга олди

АҚШ ҳарбийлари Хитойдан Эронга кетаётган юк кемасини тутиб олди ва у олиб кетаётган ҳарбий юкни қўлга олди. Бу ҳақда The Wall Street Journal АҚШ расмийларига таяниб хабар бермоқда.

Газетанинг манбаларига кўра, кема Ҳинд океанида, Шри-Ланка қирғоқлари яқинида тўхтатилган. Операция Эроннинг ҳарбий арсеналини қайта тиклашига йўл қўймаслик учун амалга оширилди; юк йўқ қилинди, шундан сўнг кемага белгиланган жойга боришга рухсат берилди.

Бир неча кун олдин АҚШ Венесуэла ва Эрондан санкцияланган хом нефть олиб кетаётган нефть танкерини тўхтатди. Пентагон котиби Пит Хегсетнинг айтишича, кема хавфсиз тарзда тутиб олинган. Венесуэла ташқи ишлар вазири Иван Хил Пинто воқеани "қароқчилик ҳаракати" деб атади, мамлакат расмийлари буни кескин қоралади.