Хабар берилишича, 5 июн куни бўлиб ўтган овоз беришда ҳужжатни Вакиллар палатасининг 226 нафар аъзоси қўллаб-қувватлади, 195 нафари эса қарши чиқди. Ёқлаб овоз берганлар орасида 207 нафар демократ, 18 нафар республикачи ва бир нафар мустақил конгрессмен бор. Мазкур ташаббус кучга кириши учун аввал уни АҚШ Сенати ҳам тасдиқлаши керак, ҳатто ҳужжат Конгресснинг юқори палатасида маъқулланган тақдирда ҳам, Доналд Трамп вето ҳуқуқидан фойдаланиши мумкин.
Қонун лойиҳаси апрел ойида кўриб чиқиш учун киритилган бўлиб, у Украинани тиклаш учун махсус жамғарма ташкил этишни назарда тутади. Бундан ташқари, у АҚШ президентининг Украина ва Шарқий Европа мамлакатларига кредит ёки ижара механизмлари орқали мудофаа воситаларини етказиб бериш ваколатларини тиклайди.
Ҳужжатга кўра, Пентагон 2027 йил охиригача Украинага разведка кўмагини кўрсатиш ҳуқуқига эга бўлади. Ўз навбатида, Давлат департаменти Болтиқбўйи мамлакатларининг қуролли кучлари ва чегара тузилмалари имкониятларини кучайтириш мажбуриятини олади.
Ҳужжат Россияга босим ўтказиш воситаларини ҳам кенгайтиради. АҚШ президенти қўшимча санкциялар жорий этиш, Россия шахслари ва ташкилотларининг активларини блоклаш, шунингдек, янги экспорт чекловлари ва божларни белгилаш ҳуқуқига эга бўлади. Бу чоралар Москванинг уруш олиб бориш бўйича иқтисодий имкониятларини янада чеклашга қаратилган.
Ўзбекистонда янги кўл пайдо бўлди
Қирғизистонга юборилган 21 тонна тарвуз нега ортга қайтарилди?
Рустам Ғоиповга “Халқ артисти” унвонининг берилиши шахсан давлат раҳбарининг ташаббуси бўлган
